لاہور(پاکستان پوائنٹ نیوز29۔اگست 2016ء) واسا شہر وچ پانی دے معیار دی کھوج لئی 14 کروڑ 30 لکھ رُپئے نال نویں لیبارٹری بنائے گا۔ ایم ڈی واسا دا کہنا اے کہ لیبارٹری وچ انٹرنیشنل سٹینڈرز دی مشینری تے آلات نال پانی دے معیار نوں چیک کیتا جائے گا۔جدکہ ایس سلسلے وچ واساہیڈ آفس ولوں وزیر اعلا پنجاب نوں سمری گھل دِتی گئی اے کہ شہر وچ پانی دے معیار دی کھوج لئی نویں لیبارٹری دا منصوبا منظور کیتا جائے، ایس منصوبے لئی واسا ولوں پی سی ون تیار کر لِتا گیا اے۔
ایم ڈی واسا چودھری نصیر احمد نے دسیا کہ ایس پراجیکٹ اُتے مجموعی طور اُتے 14 کروڑ 30 لکھ رُپئے خرچ ہون گے جدکہ ہنگامی طور اُتے 6 کروڑ دا بجٹ منگیا گیا اے تاں جے منصوبے اُتے کم شروع کیتا جائے۔اوہناں دا کہنا سی کہ لیبارٹری بنان دا مقصد شہر وچ پانی دے نمونیاں نوں قومانتری معیار دے مطابق جانچنا اے۔
