تھرکول فیلڈ وچ کوئلے نال چلن والے بجلی گھراں دا 50فیصد توں ودھ کم مکمل

اسلام آباد(پاکستان پوائنٹ نیوز28۔اکتوبر2017ء) تھرکول فیلڈ وچ کوئلے نال چلن والے بجلی گھراں دا 50فیصد توں ودھ کم مکمل ہو گیا اے ، جہناں توں اک ہزار 320میگا واٹ بجلی پیدا ہوئے گی۔ ریڈیو پاکستان مطابق سندھ اینگرو کول مائننگ کمپنی دے ترجمان نے دسیا کہ ایہناں بجلی گھراں اُتے کم تیزی نال جاری اے۔ اوہناں نے آکھیا کہ ایہ بجلی گھر جون 2019تک اپنا کم شروع کر دین گے۔ ایہ بجلی گھر چین پاکستان اقتصادی راہداری دے تحت مکمل کیتے جا رہے نیں جہناں راہیں ملک اندر توانائی دی طلب پوری کرن وچ مدد ملے گی۔