کراچی(پاکستان پوائنٹ نیوز27۔اکتوبر2017ء) پیپلز پارٹی دے رہنما ڈاکٹر عاصم نے آکھیا اے کہ پی ٹی آئی چیئرمین عمران خان معافی منگن لئی پیدا ہوئے نیں۔تفصیل مطابق ارباں رُپئے دی کرپشن تے دہشت گرداں دی سہولت کاری دے مقدمے وچ نامزد پیپلز پارٹی دے رہنما ڈاکٹر عاصم حسین نے میڈیا نال گل بات کردے ہوئے آکھیا کہ میں دو سال تیکر تفتیش دے بغیر مقدمیاں دا ساہمنا کیتا تے اندر ہیا‘ نواز شریف دا تعلق کراچی توں نہیں جو مقدمیاں دا ساہمنا کرن۔
اوہناں دا کہنا سی کہ اسیں فولاد آں جو مقدمیاں دا ساہمنا کر سکدے آں ایہ نواز شریف دے وس دی گل نہیں‘ میں پہلے وی آکھ چکیا واں کہ نواز شریف واپس نہیں آئے گا۔ڈاکٹر عاصم نے آکھیا کہ ملک معاشی بدحالی دا شکار اے ایس لئی اسیٹبلشمنٹ معاشی معاملات نوں ویکھے۔ اک سوال دے جواب وچ ڈاکٹر عاصم دا کہنا سی کہ عمران خان صاحب پیدا ای معافی منگن لئی ہوئے نیں۔
