وزیر خزانہ اسحاق ڈار نے ماروی میمن نال ویاہ کر لیا اے: چودھری غلام حسین دا دعوا

اسلام آباد(پاکستان پوائنٹ نیوز24۔اکتوبر2017ء) چودھری غلام حسین نے دعوا کیتا اے کہ وزیر خزانہ اسحاق ڈار نے ماروی میمن نال ویاہ کر لیا اے‘ ویاہ چالو ورھے منسٹرز انکلیو وچ ہویا۔ تفصیل مطابق مشہور سینئر پرچا کار و تجزیا کار چودھری غلام حسین نے دعوا کیتا اے کہ وزیر خزانہ اسحاق ڈار نے چیئرمین بے نظیر انکم سپورٹ پروگرام ماروی میمن نال ویاہ کر لیا اے۔ دوواں وچکار ویاہ چالو ورھے منسٹر انکلیو وچ ہویا۔ چودھری غلام حسین دا ہور کہنا سی کہ اسحاق ڈار تے ماروی میمن میاں بیوی دے طور اُتے کئی غیر ملکی دورے کر چکے نیں۔ اوہناں دا کہنا سی کہ اسحاق ڈار تے ماروی میمن نیویارک وچ ہون والے ورلڈ بنک دے اجلاس وچ رلت کر چکے نیں۔