نواز شریف نوں آخیر شہباز شریف تے چودھری نثار دی پالیسی اپنانی پئے گی ایس توں وکھ اوہناں کول کوئی حل نہیں: طیبہ ضیاء

لاہور(پاکستان پوائنٹ نیوز24۔اکتوبر2017ء) کالم نگار طیبہ ضیاء نے اپنے کالم وچ واضح کردے ہوئے آکھیا کہ نواز شریف 2018دے الیکشن اسٹیبلشمنٹ مخالف اپنا موقف لے کے جانا چاہندے نیں‘ نواز شریف لڑن تے جیل جان لئی تیار نظرآؤندے نیں پر اوہ اپنے ایس فیصلے اُتے وی قائم نہیں رہ سکن گے کیونکہ اوہ جس طرحاں دا لائف سٹائل اپنا چکے نیں اوہ ہور تنگیاں برداشت نہیں کر سکن گے۔

اوہناں نے اپنے کالم وچ لکھیا کہ نواز شریف دیاں فائیلاں ہور بغاوت دی اجازت نہیں دیندیاں۔جے اوہ ہور اسٹینلشمنٹ خلاف جان گے تے اسٹیبلشمنٹ نے اوہناں دیاں فائلاں محفوظ کیتیاں ہوئیاں نیں۔طیبہ ضیاء دا کہنااے کہ شہباز شریف وقتی طور آُتے لوکائی نوں وکھا رہے نیں کہ اوہناں دوویں بھراواں وچ اجے تیکر پیار اے پر شہباز شریف جاندے نیں کہ نواز شریف ٹکر لین والے نیں جو اوہناں لئی ٹھیک نہیں اے تے ایہ ٹکر 2018دے الیکشن وچ اوہناں نوں نقصان دے سکدی اے۔