شرجیل میمن دی حالت وِگڑ گئی‘ ساہ لین وچ اوکڑاں دا ساہمنا‘ ہسپتال منتقلی دا امکان

کراچی(پاکستان پوائنٹ نیوز23۔اکتوبر2017ء) نیب دفتر وچ گرفتار شرجیل میمن دی حالت وِگڑ گئی۔شرجیل میمن نوں ساہ لین وچ اوکڑاں دا ساہمنا، جہدے مگروں اوہناں نوں ہسپتال منتقل کیتے جان دا امکان اے۔ میڈیا رپورٹس مطابق سابق وزیر اطلاعات سندھ شرجیل میمن بارے کرپشن کیس دی سنوائی ہوئی۔ سندھ ہائی کورٹ نے شرجیل میمن دی ضمانت رد کردے ہوئے اوہناں نوں گرفتار کرن دا حکم دتا۔ گرفتاری توں بچن لئی شرجیل میمن کئی گھنٹے عدالت وچ ای رہے ، آخیر عدالتی ویلا ختم ہون تے باہر آئے ،تے اوہناں نوں گرفتار کر لیا گیا۔۔ سندھ ہائی کورٹ دے باہر شرجیل میمن دی گرفتاری ویلے ڈاڈھا رش سی۔ ایس دوران اوہناں دے کپڑے وی پاٹ گئے۔