اسلام آباد(پاکستان پوائنٹ نیوز23۔اکتوبر2017ء) سینیٹ نے نااہل بندے دے سیاسی جماعت دے صدر بنن خلاف بن منظور کر لیا‘ بل دے حق وچ 46تے مخالفت وچ 18ووٹ پئے‘ وفاقی وزیر قانون زاہد حامد نے بل دی مخالفت کیتی۔ میڈیا رپورٹس مطابق سینیٹ نے اک وار فیر نااہل بندے دے پارٹی صدر بنن اُتے پابندی لا دتی اے۔ سینیٹ نے پارلیمنٹ دی رکنیت لئی نااہل بندے نوں پارٹی صدارت لئی نااہل کرن دا بل منظور کر لیا اے۔
بل دے حق وچ 46تے مخالفت وچ 18ووٹ پئے۔ وفاقی وزیر قانون زاہد حامد نے بل دی مخالفت کیتی۔ سینیٹر پرویز رشید نے آکھیا کہ اک وار فیر آمریت جِت گئی تے جمہوریت ہار گئی اے۔ نواز شریف نوں الیکشن توں چھ مہینے پہلاں نااہل کرن دا بل منظور کروا لیا گیا اے۔ اوہناں نے آکھیاکہ بل منظور کر کے سینیٹ دی روایت دی خلاف وزری کیتی گئی اے۔ یاد رہوے کہ دو مہینے پہلاں سینیٹ وچ نااہل بندے دے سیاسی جماعت دا صدر بنن لئی بل منظور کیتا گیا سی۔
