چینی سفیر دے قتل دا منصوبہ:ایسٹ ترکستان موومنٹ دا دہشت گرد پاکستان پہنچ گیا

اسلام آباد(پاکستان پوائنٹ نیوز21۔اکتوبر2017ء) پاکستان وچ چینی سفیر دے قتل دا منصوبہ بے نقاب ہو گیا‘ چین نے دہشت گرد نوں چھیتی گرفتار کرن دا مطالبہ کر دتا۔ میڈیا رپورٹس مطابق چینی سفیر نوں قتل کرن دی منصوبہ بندی بنا کے اک دہشت گرد پاکستان آ گیا اے۔ چین نے دہشت گرد بارے پاکستان نوں دس دتا اے۔ چین ولوں پاکستانی وزارت نوں گھلے گئے خط دے متن مطابق ایسٹ ترکستان انڈیپنڈنٹ موومنٹ دا اک دہشت گرد پاکستان آ گیا اے۔ دہشت گرد سی پیک اُتے کم کرن والیاں کمپنیاں دے ملازماں نوں نشانہ بنا سکدا اے۔ چینی وزارت داخلا نے دہشت گرد بارے سارے کوائف پاکستانی وزارت داخلا دے حوالے کر دتے نیں۔