لاہور(پاکستان پوائنٹ نیوز20۔اکتوبر2017ء) لاہور ہائی کورٹ نے ایف بی آر دی اپیل منظور کردے ہوئے پی ٹی آئی دے رہنما جہانگیر ترین نوں ایف بی آر ولوں گھلے گئے ٹیکس نوٹس بحال کر دتے۔ لاہور ہائی کورٹ دے جسٹس شاہد کریم دی سربراہی وچ دور کنی بنچ نے اپیل دی سنوائی کیتی۔ سنوائی دوران ایف بی آر دے وکیل نے موقف اختیار کیتا کہ ان لینڈ ریونیو نے جہانگیر ترین دی 94کروڑ توں ودھ زرعی آمدن اُتے 9کروڑ 91لکھ رُپئے دا ٹیکس عائد کردے ہوئے ٹیکس وصولی دے نوٹس گھلے۔
اوہناں نے آکھیا کہ جہانگیر ترین دی درخاست اُتے ان لینڈ ریونیو دے اپیلٹ ٹربیونل نے ٹیکس وصولی دے نوٹس معطل کر دتے۔ جہانگیر ترین دے وکیل نے عدالت نوں دسیا کہ اوہناں دی زرعی زمین ملکیتی نہیں ایس اپیلٹ ٹربیونل دا فیصلا بحال رکھیا جائے۔
