گردشی قرضا 665 ارب ہون دیاں خبراں جھوٹیاں نیں: وزارت پانی و بجلی حکومت نے بجلی پیدا کرن والیاں کمپنیاں نوں 100 فیصدپیسے دِتے : ترجمان

اسلام آباد(پاکستان پوائنٹ نیوز27۔اگست 2016ء) وزارت پانی و بجلی دے ترجمان نے آکھیا اے کہ حکومت نے پچھلے سال دے دوران بجلی پیدا کرن والیاں پرائیویٹ کمپنیاں نوں اوہناں دے سو فیصد بل دِتے نیں۔ تفصیل دے مطابق وزات پانی و بجلی دے ترجمان نے نجی ٹی وی نال گل بات کردے ہوئے آکھیا کہ کمپنیاں نوں پیسے نہ دین دے حوالے نال کئی اخباراں وچ چھپن والیاں خبراں غلط نیں۔ ترجمان نے آکھیا کہ ایس حکومت نے اقتدار وچ آن دے بعد بجلی دے شعبے نوں مستحکم بنان لئی لمے چِر لئی حکمت عملی بنائی اے جو اقتصادی استحکام دی بحالی تے اقتصادی شرح وچ وادھے لئی ضروری اے۔ اوہناں نے آکھیا کہ حکومت نے بجلی دا جامع منصوبا تیار کیتا اے تاں جے بجلی دے شعبے دے پرانیاں مسائلیاں نوں حل کیتا جاوے۔