اسلام آباد(پاکستان پوائنٹ نیوز27۔اگست 2016ء) وفاقی وزیر اطلاعات و نشریات سینیٹر پرویز رشید نے آکھیا اے کہ ہُن لندن توں کوئی وی کراچی نوں بند نہیں کرواسکا تے نہ ای شٹر بند ہڑتال کروائی جا سکدی اے۔ تفصیل دے مطابق ہفتے دے دیہاڑے میڈیا نال گل بات کردے ہوئے پرویز رشید نے آکھیا کہ پاکسان دُنیا وچ دہشت گردی پاروں جانیا جاندا سی۔ پر اج پاکستان توں دہشت گرد نس رہے نیں تے نسن والے دہشت گرداں دا پِچھا کیتا جا رہیا اے۔
اوہناں نے آکھیا کہ ہن لندن توں کوئی وی کراچی نوں بند نہیں کروا سکدا۔ لندن والا نہ ہُن اپنی تصویر لا سکدا اے تے نہ ای ہُن لندن والے دے آکھن تے کراچی بند ہووے گا۔ اوہناں نے آکھیا کہ نیشنل ایکشن پلان اُتے کم جاری اے جدکہ نیشنل ایکشن پلان دے کُجھ نکات اُتے 100 فیصد عمل ہویا اے۔
