راولپنڈی(پاکستان پوائنٹ نیوز26۔اگست 2016ء) آرمی چیف تے افغان صدر وچکار ٹیلی فونک رابطا ہویا۔ جنرل راحیل شریف نے کابل وچ امریکن یونیورسٹی اُتے حملے دی مذمت کیتی تے ہلاک ہون والیاں دے گھر والیاں نال ہمدردری دا وکھالا کیتا اے۔ آئی ایس پی آر ولوں جاری بیان دے مطابق جنرل راحیل شریف نے ایس عزم دا وکھالا کیتا اے کہ پاک سرزمین کسے خلاف ورتن نہیں دیاں گے۔
آئی ایس پی آر دا کہنا اے کہ تن موبائل نمبر پاکستان نال شیئر کیتے گئے نیں، دہشت گرد مبینا طور اُتے دھماکے کرن والیاں نال رابطے وچ سن۔ پاک فوج نے پاک افغان بارڈر دے نیڑے سرچ آپریشن وی کیتا پر دِتے گئے نمبر افغانستان دی کمپنی دے ای نکلے۔ آئی ایس پی آر دے مطابق آرمی چیف نے افغان صدر نوں بھرپور تعاون دا یقن دوایا اے۔ ایس توں وکھ جنرل راحیل شریف نال افغانستان وچ اتحادی فوج دے کمانڈر جنرل جان نکلسن تے امریکی نمائندہ خصوصی رچرڈ اولسن نے ملاقات کیتی۔ امریکی وفد نے خطے وچ استحکام تے دہشت گردی خلاف جنگ وچ پاک فوج دے عزم تے کوششاں نوں سلاہیا۔
