وزیر دفاع تے آرمی چیف وچکار ملاقات‘ سکیورٹی صورتحال بارے وچار وٹاندرا

راولپنڈی(پاکستان پوائنٹ نیوز10-۔اکتوبر2017ء) وزیر دفاع انجینئر خرم دستگیر تے آرمی چیف جنرل قمر جاوید باجوہ وچکار ملاقات ہوئی اے‘ ملاقات دوران ملک دی سکیورٹی صورتحال تے ملکی دفاع بارے وچار وٹاندرا کیتا گیا۔ آئی ایس پی آر مطابق وزیر دفاع نے اج جی ایچ کیو راولپنڈی دا دورہ کیتا۔ اپنے دورے دوران وزیر ددفاع خرم دستگیر نے آرمی چیف جنرل قمر جاوید باجوہ نال ملاقات کیتی۔ آئی ایس پی آر مطابق ایس موقعے تے وزیر دفاع خرم دستگیر نوں ملٹری آپریشنز ڈائریکٹوریٹ وچ ملکی دفاع تے سکیورٹی صورتحال اُتے بریفنگ دتی گئی۔