اسلام آباد(پاکستان پوائنٹ نیوز09۔اکتوبر2017ء) وزیر اعظم شاہد خاقان عباسی نے آئی بی دے مبینہ خط دے حوالے نال چپ توڑ دتی۔ وزیر اعظم نے ایوان وچ پالیسی بیان دیندے ہوئے آکھیا اے کہ ایس ایوان دے 37ممبراں خلاف اک پرواپیگنڈا کیتا گیا اے۔ میڈیا راہیں دسیا گیا کہ کہڑے لوکاں دے کالعدم تنظیماں نال رابطے نیں۔ وزیر اعظم شاہد خاقان عباسی نے ہور آکھیا کہ وزیر اعظم ولوں کابینہ نوں وی اعتماد وچ لے کے دسیا گیا کہ ایہ جعلی دستاویزات نیں تے ایس حوالے نال پیمرا نوں ہدایت کیتی گئی اے کہ اپنے قانون مطابق کارروائی کرے جدکہ آئی بی نوں وی ہدایت کیتی گئی کہ ایف آئی آر درج کیتی جائے۔
ہن ایس حوالے نال تحقیقات وی جاری نیں۔ شاہد خاقان عباسی دا ایوان وچ خطاب کردے ہوئے کہنا سی کہ حقیقت لوکائی ساہمنے لیانا ضروری اے۔اوہناں نے وزیر اعظم ہاؤس ولوں اجیہے حکم جاری کرن دیاں ساریاں خبراں نوں رد کیتا۔
