ایل این جی وچ کرپشن دے حوالے نال اہم دستاویزات مل گئیاں: شیخ رشید

لاہور(پاکستان پوائنٹ نیوز09۔اکتوبر2017ء) عوامی مسلم لیگ دے سربراہ شیخ رشید دا کہنا اے کہ قطر دا دورہ کامیاب رہیا‘ ایل این جی دے حوالے نال میں قطر وچ کئی لوکاں نال ملاقات کیتی اے تے ایل این جی کرپشن دے حوالے نال اہم دستاویزات مل گئیاں نیں۔ میڈیا رپورٹس مطابق شیخ رشید نے عدالت وچ کیس دائر کیتا ہویا اے۔ ایس حوالے نال شیخ رشید دا موقف اے کہ قطر توں جو ایل این جی برآمد کیتی گئی ، اوہدے وچ ارباں رُپئے دی کرپشن کیتی گئی اے تے ایس کرپشن وچ وزیر اعظم شاہد خاقان عباسی وی ملوث نیں۔