کوئٹہ(پاکستان پوائنٹ نیوز06۔اکتوبر2017ء) ڈسٹرکٹ چیئرمین جھل مگسی اورنگزیب عالمگیر مگسی نے آکھیا اے ضلع جھل مگسی دے علاقے گنداواہ وچ آپ مارو حملا کرن والے دی شناخت ہو گئی اے جہدا ناں ابوبکر خراسانی اے تے اوہدا تعلق ’خلفت اسلامی ‘ توں اے۔ تفصیل مطابق جمعے دے دیہاڑے کوئٹہ پریس کلب وچ پریس کانفرنس کردے ہوئے اوہناں نے آکھیا کہ ایس توں پہلاں وی ایسے درگاہ اُتے آپ مارو حملا ہویا سی۔
جہدے کارن کئی لوک شہید وی ہوئے سن۔ اوہناں نے آکھیا کہ میں کل والے حملے نوں سکیورٹی لیپس نہیں آکھ سکدا کیونکہ جے گیٹ اُتے تعینات پولیس اہلکار بمبار نوں نہ ڈکدے تے اوہ درگاہ اندر پہنچ جاندا، تے وڈی تباہی ہو جانی سی۔اوہناں دا کہنا سی کہ گنداواہ وچ آپ مارو حملا کرن والے دی شناخت ہو گئی اے۔ دہشت گرد دا ناں ابوبکر خراسانی سی، جدکہ دہشت گرد دا تعلق ’خلفت اسلامی ‘ توں اے۔
