اویس لغاری نوں وفاقی وزیر توانائی متھ دتا گیا

لاہور(پاکستان پوائنٹ نیوز04۔اکتوبر2017ء) سابق وزیر اعظم میاں محمد نواز شریف دی نااہلی مگروں کابینہ وچ نویں وزیراں نوں اہم وزارتاں دے دتیاں گئیاں نیں اج مسلم لیگ (ن) دے سینئر رہنما اویس لغاری نوں وی نویں کابینہ دا حصہ بنا دتا گیا اے۔ تفصیل مطابق مسلم لیگ (ن) دے سینئر رہنما اویس لغاری نوں وفاقی وزیر برائے توانائی متھدے ہوئے نوٹی فکیشن جاری کر دتا گیا اے، جہدے مگروں اویس لغاری وی نویں بنن والی کابینہ وچ وفاقی وزیر دے طور اُتے رلتی ہو گئے نیں۔ اویس لغاری دا تعلق ڈیرہ غازی خان توں اے تے اوہ پاکستان مسلم لیگ (ن) دے دور وچ پہلے وی وزیر رہ چکے نیں۔