کراچی(پاکستان پوائنٹ نیوز30۔ستمبر2017ء) پاک چین اقتصادی راہداری منصوبے (سی پیک) دے نتیجے وچ پاکستان دی عالمی اقتصادی ریننگ بہتر ہوئی اے۔ عالمی رسالے ’فوربز‘ مطابق بھاویں سی پیک اجے مکمل نہیں ہویا پر ایہدے مگروں وی پاکستانی معیشت عالمی مسابقتی رینکنگ وچ کئی درجے اُتے آ گیا اے۔ عالمی اقتصادی فورم دی رپورٹ وچ پاکستان کئی درجے بہتری نال 137ملکاں وچوں 115نمبر اُتے آ گیا اے۔
اک سال پہلے پاکستان ایس لسٹ وچ 122ویں جدکہ 2014وچ پاکستان 133نمبر اُتے سی۔ بھاویں پاکستانی رینکنگ ہور ملکاں دے مقابلے وچ گھٹ اے پر پچھلے سال دے مقابلے وچ پاکستان دی کارکردگی بہتر ہوئی اے۔ عالمی مسابقتی رینکنگ توں پتہ لگدا اے کہ پاکستان تیزی نال ترقی کر رہیا ۔ رپورٹ وچ چین 27ویں تے بھارت 40ویں نمبر اُتے اے۔ یاد رہوے کہ عالمی اقتصادی فورم ہر سال عالمی مسابقتی رینکنگ جاری کردا ۔ جہدے وچ ایس گل دا جائزہ لِتا جاندا اے کہ کسے ملک وچ اوتھے دے شہریاں نوں ترقی و خشحالی دے کِنے موقعے ملدے نیں۔
