لاہور(پاکستان پوائنٹ نیوز30۔ستمبر2017ء) اپوزیشن لیڈر دی بدلی دے حوالے نال تحریک انصاف تے ایم کیو ایم جتھے نس بھج کر رہی اے اوتھے خورشید شاہ نوں بچان لئی پیپلز پارٹی نالوں ودھ (ن) لیگ ہتھ پیر مارر ہی اے۔ وسیلیاں مطابق خورشید شاہ نوں ہر حوالے نال اپوزیشن لیڈر رہنا چاہیدا ایہدا ٹاسک میاں نواز شریف نے سپیکر قومی اسمبلی سردار ایاز صادق تے اہم وفاقی وزیراں نوں دتا اے۔
وسیلیاں دا کہنا اے کہ خورشید شاہ نوں اپوزیشن دے عہدے اُتے برقرار رکھن لئی فاٹا دے ارکان اسمبلی دی حمایت دا وی ٹاسک (ن) لیگ نے اپنے ذمے لے لیا اے تے ایس سلسلے وچ فاٹا دے ارکان اسمبلی نوں بھاری فنڈنگ وی کیتی جا رہی اے۔ فاٹا ارکان اسمبلی نے وی یقین دہانی کروا دتی اے کہ خورشید شاہ دا ساتھ دتا جائے گا،اوہ (ن) لیگ خلاف نہیں جان گے۔
