جماعت اسلامی دے ایم این اے شیر اکبر خان دا تحریک انصاف وچ رلتی ہون دا فیصلا

اسلام آباد(پاکستان پوائنٹ نیوز29۔ستمبر2017ء) تحریک انصاف نے اپنی حکومتی اتحادی جماعت ’جماعت اسلامی ‘ دی وکٹ اُڈا دتی اے‘ جماعت اسلامی دے ایم این اے شیر اکبر خان نے تحریک انصاف وچ رلتی ہون دا فیصلاکر لیا اے۔ میڈیا رپورٹس مطابق جماعت اسلامی دے رکن قومی اسمبلی شیر اکبر نے چیئرمین پی ٹی آئی نال ملاقات کیتی۔ ملاقات دوران ملک دی سیاسی صورتحال بارے وچار وٹاندرا کیتا گیا۔ ایس موقعے تے ایم این اے شیر اکبر نے پی ٹی آئی وچ باقاعدہ رلتی ہون دا فیصلا کیتا۔میڈیا رپورٹس مطابق ایم این اے شیر اکبر 8اکتوبر نوں بونیر جلسے وچ پی ٹی آئی وچ رلتی ہون دا باقاعدہ اعلان کرن گے۔ عوامی جلسے نال چیئرمین پی ٹی آئی عمران خان خطاب کرن گے۔