تحریک انصاف نے وزیر خزانہ اسحاق ڈار نوں عہدے توں ہٹان لئی وزیر اعظم نوں خط لکھ دتا

اسلام آباد(پاکستان پوائنٹ نیوز29۔ستمبر2017ء) تحریک انصاف نے وزیر خزانہ اسحاق ڈار نوں عہدے توں ہٹان لئی وزیر اعظم نوں خط لکھ دتا اے۔ میڈیا رپورٹ مطابق وزیر اعظم نوں خط تحریک انصاف دی رہنما عندلیب عباس نے لکھیا اے ۔ خط وچ اسحاق ڈار نوں چھیتی ای عہدے توں ہٹان دا مطالبہ کیتا گیا اے۔ خط وچ ہور آکھیا گیا اے کہ فرد جرم عائد ہون مگروں اسحاق ڈار دا عہدے اُتے رہنا شرمناک اے۔ خطرناک جرماں وچ ملوث بندہ وزیر خزانہ رہنا شرم دی گل اے۔ اوہناں دا ہور کہنا اے کہ ٹیکس دین والیاں کر کے ساڈا مطالبہ اے کہ اسحاق ڈار نوں چھیتی ای عہدے توں ہٹایا جائے۔