راولپنڈی(پاکستان پوائنٹ نیوز27۔ستمبر2017ء) بھارتی فوج دی لائن آف کنٹرول اُتے نکیال سیکٹر وچ انھے واہ فائرنگ دے نتیجے وچ اک شہری شہید جدکہ تن سوانیاں سنے چار بندے زخمی ہو گئے‘ پاک فوج دی بھرپور جوابی کارروائی نال بھارت نوں ڈاڈھا نقصان ۔ آئی ایس پی آر مطابق بھارتی فوج نے فائرنگ وچ مارٹر گولے تے بھاری ہتھیار ورتے ‘ جہدے نتیجے وچ 22ورھیاں دا محمد رزاق ولد عبدالخالق شہید جدکہ زخمی ہون والیاں وچ ارم کوثر زوجہ مہتاب احمد‘ غلام فاطمہ زوجہ محمد معروف‘ کلثوم بیگم زوجہ محمود تے 14ورھیاں دا احسن کریم ولد عبدالکریم زخمی ہو گیا۔
آئی ایس پی آر مطابق پاک فوج نے ویلے سِر جوابی کاروائی کردے ہوئے بھارت دیاں توپاں نوں چُپ کروا دتا۔ پاک فوج ولوں ولوں جوابی کارروائی دے نتیجے وچ بھارت نوں ڈاڈھا نقصان ہویا۔
