اسلام آباد(پاکستان پوائنٹ نیوز27۔ستمبر2017ء) پاکستانی وزیر خارجا خواجا آصف نے اقوام متحدہ دی جنرل اسمبلی دے 72ویں اجلاس وچ رلت کیتی۔ ایشیا سوسائٹی فورم اُتے گل بات دے ہوئے خواجا آصف نے اجلاس نال خطاب وچ آکھیا گیا کہ حسین حقانی یاں حافظ سعید دا الزام ساڈے اُتے نہ لاؤ۔ امریکا نوں کرارا جواب دیندے ہوئے خواجا آصف دا کہنا سی کہ ایہ اوہو لوک نیں جو اج توں 20یاں 30سال پہلے تہاڈے پسندیدہ سن تے ایہناں نوں وائٹ ہاؤس وچ دعوتاں اُتے سدیا جانا سی پر ہن تُسیں ایہناں لوکاں نوں آکھدے او کہ ایہ پاکستانی نیں تے ایہناں نوں واپس چلے جانا چاہیدا کیونکہ اسیں ایہناں نوں ودھوتری دے رہے آں۔
خواجا آصف دا کہنا سی کہ ایہ کہنا بہت آسان اے کہ پاکستان نے حافظ سعید‘ لشکر طیبہ تے حسین حقانی نوں پناہ دتی ہوئی اے۔ ایہ سبھ پاکستان اُتے بھار نیں‘ تہانوں چاہیدا اے کہ تُسیں سانوں ایہناں نال نبڑن لئی تھوڑا ویلا دیو۔ وزیر خارجا نے ہور آکھیا کہ پاکستان ‘ افغان سرحد اُتے دہشت گرداں دی آوا جاوی تے دہشت گرداں دی پشت پناہی نوں روکن لئی امریکا نال تعاون نوں تیار اے۔
