لاہور(پاکستان پوائنٹ نیوز25۔ستمبر2017ء) پاکستان نے اعوام متحدہ دی جنرل اسمبلی دے اجلاس وچ کشمیر وچ پیلٹ گن دی ورتوں دے حوالے نال جعلی تصویر ویکھائی پر جعلی تصویر وکھان دا مطلب ایہ نہیں کہ مقبوضہ کشمیر وچ پیلٹ دی ورتوں نہیں ہو رہی۔ میڈیا رپورٹس مطاق بھارتی اخبار ’ہندوستان ٹائمز‘ نے اعتراف کیتا اے کہ بھاویں پاکستان نے اعوام متحدہ دی جنرل اسمبلی دے اجلاس وچ کشمیر وچ پیلٹ گن دی ورتوں دے حوالے نال جعلی تصویر وکھائی پر جعلی تصویر وکھان دا مطلب ایہ نہیں کہ مقبوضہ کشمیر وچ پیلٹ دی ورتوں نہیں ہو رہی۔
یاد رہوے کہ پچھلے دیہاڑے اقوام متحدہ وچ پاکستان دی مندوب ملیحہ لودھی نے آکھیا اے کہ بھارت جنوبی ایشیاء وچ دہشت گردی دی ماں اے۔ بھارتی وزیر خارجا نوں جواب دیندے ہوئے اوہناں نے آکھیا کہ کشمیر بھارت دا حصہ نہیں۔ کشمیر اُتے بھارتی قبضہ غیر قانونی اے۔ دنیا دی سبھ توں وڈی جمہوریت سبھ توں وڈی منافقت اے۔ بھارت نے ہر گوانڈھی نال جنگ لڑی اے۔
کشمیر وچ بھارتی جرائم دیاں تحقیقات ہونیاں چاہیدیاں۔ مقبوضہ کشمیر توں توجہ ہٹان لئی بھارت پاکستان اُتے الزام لا رہیا اے۔ اوہناں نے واضح کیتا اے کہ پاکستان سارے مسئلیاں دا حل مذاکرات راہیں چاہندا اے۔ مذاکرات لئی بھارت نوں دہشت گردی دی پالیسی چھڈنی پئے گی۔پاکستان دے بوہے مذاکرات لئی کُھلے نیں۔ ملیحہ لودھی نے ہور آکھیا کہ قائد اعظم اُتے تنقید کرن والیاں دے ہتھ گجرات وچ مسلماناں دے خون نال رنگے پئے نیں۔
