کراچی(پاکستان پوائنٹ نیوز22۔ستمبر2017ء) پاکستان تحریک انصاف نے سندھ وچ سیاسی رہنماواں نال رابطیاں تے شمولیت لئی کمیٹی بنا دتی اے۔ کمیٹی دا پہلا اجلاس چیئرمین لیاقت جتوئی دی سربراہی وچ منعقد ہویا جہدے وچ عمران اسماعیل‘ ثمر علی خان‘ سید کاظم شاہ تے دیوان سچل نے رلت کیتی۔ کمیٹی دا اجلاس دو گھنٹیاں تیکر جاری رہیا ۔ اجلاس وچ متوقع رلتی ہون والے رہنماواں دا اعلان ہویا۔
میڈیا رپورٹس مطابق کمیٹی دے سربراہ لیاقت جتوئی نے کمیٹی ساہمنے کئی رہنماواں نال ملاقات دیاں تفصیلاں دسدے ہوئے آکھیا کہ سندھ وچ لگاتار بیڈ گورننس نے صوبے نوں معاشی طور اُتے کمزور تے لوکائی نوں بد حال کر دتا اے۔ کمیٹی نے فیصلا کیتا کہ متوقع رلت کرن والے رہنماواں دے ناں منظوری لئی چیئرمین تحریک انصاف عمران خان نوں گھلے جان گے۔ وسیلیاں مطابق لیاقت جتوئی نوں پیپلز پارٹی دے ناراض رہنما ذوالفقار تے اوہناں دی بیوی نال رابطے کرن دا ٹاسک دے دتاگیا اے۔
