کالا باغ ڈیم دی اُساری دے سلسلے وچ نظرثانی درخاست خارج

اسلام آباد(پاکستان پوائنٹ نیوز24۔اگست 2016ء) سپریم کورٹ نے کالا باغ ڈیم دی اُساری بارے نظرثانی درخاست خارج کر دِتی۔ تفصیل دے مطابق بدھ دے دیہاڑے چیف جسٹس آف پاکستان جسٹس انور ظہیر جمالی نے کالا باغ ڈیم دی اُساری لئی حکومت نوں ہدایتاں دین بارے نظرثانی درخاست اُتے پہلے توں محفوظ فیصلا سُنایا۔ عدالت نے اپنے فیصلے وچ قرار دِتا کہ درخاست آئین دے آرٹیکل 184 تِن دے زمرے وچ نہیں آوندی۔ ایس لئی ایہنوں خارج کیتا جاندا اے۔ یاد رہوے کہ سپریم کورٹ ایس توں پہلے وی کالا باغ ڈیم دی اُساری لئی حکومت نوں ہدایتاں دین بارے درخاست خارج کر چکی اے۔