اسلام آباد(پاکستان پوائنٹ نیوز20۔ستمبر2017ء) نیب دی ٹیم ولوں اسحاق ڈار دے گھر چھاپہ ماریا گیا اے۔ تفصیل مطابق وارنٹ گرفتاری جاری ہون مگروں وزیر خزانہ اسحاق ڈار دے اسلام آباد وچ موجود گھر اُتے چھاپہ ماریا گیا اے۔ چھاپہ نیب لاہور دی دو رکنی ٹیم نے منسٹرز انکلیو وچ اسحاق ڈار دے گھر ماریا۔ ایس دورا ن نیب راولپنڈی دے افسر وی موجود سن۔ جدکہ پولیس دی نفری وی نیب ٹیم نال چھاپے لئی اسحاق ڈار دے گھر پہنچی۔
پر اسحاق ڈار دے گھر نہ ہون کارن اوہناں دی گرفتاری نہ ہو سکی۔ ایس موقعے تے نیب ٹیم نے اسحاق ڈار دے گھر موجود ملازماں توں پُچھ گچھ کیتی۔ ٹیم دے تفتیشی افسر نادر نال ملازماں نے ٹیلی فون اُتے کسے دی گل وی کروائی جہدے مگروں نیب ٹیم نے گرفتاری دے سمن ملازماں توں وصول کروائے۔ چھاپہ نیب لاہور دے ڈی جی دی منظوری مگروں ماریا گیا۔چیتے رہوے کہ اسحاق ڈار اجکل لندن وچ نیں۔
