سکھر(پاکستان پوائنٹ نیوز16۔ستمبر2017ء) قومی اسمبلی وچ اپوزیشن لیڈر خورشید شاہ نے آکھیا اے کہ عمران خان نواز شریف نوں تے آکھدے نیں پر آپ وی اداریاں دے فیصلے نہیں مندے۔ تفصیل مطابق سکھر وچ میڈیا نال گل بات کردے ہوئے قومی اسمبلی وچ اپوزیشن لیڈر خورشید شاہ دا کہنا سی کہ مسلم لیگ (ن) نوں سپریم کورٹ دا فیصلا مننا پئے گا۔ عمران خان نواز شریف نوں تے آکھدے نیں پر آپ وی اداریاں دے فیصلے نہیں مندے۔
خورشید شاہ نے آکھیا کہ الیکشن کمیشن آئینی ادارہ اے اوہدا حکم نہ مننا اوس ادارے دی توہین اے۔ اپوزیشن لیڈر مطابق پیپلز پارٹی اسمبلی دی مدت چار سال کرن اُتے راضی اے تے (ن) لیگ نے وی اگلے الیکشن توں اسمبلی دی مدت چار سال کرن بارے رضا مندی ظاہر کیتی اے۔ اوہناں نے آکھیا کہ سیاست وچ کوئی بیلی یاں دشمن نہیں ہوندا‘ ہور جماعتاں نوں اپنا اپوزیشن لیڈر لیان دا حق اے۔
ا ک سوال دے جواب وچ اوہناں دا کہنا سی کہ ایم کیو ایم تے پی ٹی آئی دی قربت اُتے مینوں کوئی اعتراض نہیں دوویں جماعتاں اک دوجے دی نظر وچ بہتر ہو گئیاں نیں۔خورشید شاہ دا کہنا سی کہ چیئرمین نیب دے ناں اُتے کوئی فیصلا نہیں ہویا۔ اوہناں نے آکھیا کہ سکھر وچ آرٹ اینڈ ڈیزائن کالج بن رہیا اے۔ 7ارب دی لاگت نال کینسر ہسپتال بن رہیا تے اٹھ ارب دی ایس آئی یوٹی بن رہی اے۔
