سپریم کورٹ دا فیصلا کسے وی طرحاں انصاف دے تقاضیاں نوں پورا نہیں کردا: مریم نواز

اسلام آباد(پاکستان پوائنٹ نیوز16۔ستمبر2017ء) سابق وزیر اعظم نواز شریف دی دھی مریم نواز دا کہنا اے کہ سپریم کورٹ دے فیصلے وچ انصاف دے تقاضیاں نوں پورا نہیں کیتا گیا۔ اوہناں نے آکھیا کہ سانوں فیئر ٹرائل دا موقع نہیں ملیا۔ نجی ٹی وی چینل نوں دتے گئے انٹرویو وچ مریم نواز نے آکھیاکہ دنیا وی پاناما کیس وچ سپریم کورٹ دے فیصلے اُتے حیران اے۔ کورٹ دے جواب وچ جواب وی اے تے سوال وی۔ پاناما کیس بارے نظرثانی لئی دائر اپیلاں رد ہون اُتے ردعمل دیندے ہوئے مریم نواز دا کہنا سی کہ ڈیڈھ سال توں جو سلوک کیتا گیا اے اوہدے مگروں انصاف دی امید رکھنا ممکن نہیں سی۔اوہناں نے آکھیا کہ سانوں فیئر ٹرائل دا موقع نہیں ملیا۔