اسلام آباد(پاکستان پوائنٹ نیوز16۔ستمبر2017ء) نجی ٹی وی چینل دے پروگرام وچ گل بات کردے ہوئے مشہور پرچاکار ڈاکٹر شاہد مسعود نے آکھیا اے کہ ملکی سیاست عجیب پاسے جا رہی اے۔ مریم نواز صاحبہ لاہور بِہ گئیاں نیں تے اوہ آکھ ررہیاں نیں کہ میں پنجاب توں نہیں جاواں گی۔ دوجے پاسے شہباز شریف چُپ کیتے ای ملک واپس آئے‘ جلوہ وکھائے بغیر ای مونہ انھیرے ترکی چلے گئے۔
اوہناں دی مریم نواز نال گل بات نہیں ہوئی۔ شاہد مسعود دا کہنا سی کہ مریم نواز جو کہ پنجاب وچ بیٹھیاں نیں اوہ ایس ویلے وزیرا علا پنجاب‘ خادمہ اعلا پنجاب‘ وزیر اعظم پاکستان تے مسلم لیگ (ن) دی صدر وی نیں ۔ ڈاکٹر شاہد مسعود دا کہنا سی کہ مریم نواز دی چال چلن توں لگ رہیا اے کہ اوہ سمجھ رہیاں نیں کہ سبھ کُجھ میرا اے تے ایس طرحاں اوہ ایل او سی پار کر گئیاں نیں۔
