ملتان(پاکستان پوائنٹ نیوز12۔ستمبر2017ء) سینئر سیاستدان مخدوم جاوید ہاشمی نے این اے 120وچ بیگم کلثوم نواز دی بھرپور حمایت دا اعلان کردے ہوئے دعوا کیتا اے کہ ضمنی الیکشن وچ حلقے دی عوام دا فیصلا اک تے چار دے فرق نال ہوئے گا‘ کلثوم نواز نوں کوئی روک نہیں سکدا اوہ وڈی گنتی نال کامیاب ہون گیاں۔تفصیل مطابق ملتان وچ پریس کانفرنس کردے ہوئے جاوید ہاشمی دا کہنا سی کہ شہباز شریف تے نواز شریف وچ ہزار اختلاف ہون پر شہباز شریف‘ نواز شریف نوں سیاست وچ پیو دا درجہ دیندے نیں۔
چودھری نثار علی خان دے حوالے نال اوہناں دا کہنا سی کہ چودھری نثار تے نواز شریف وچکار اختلاف معمولی نیں۔ چودھری نثار نواز شریف توں وکھ نہیں ہو سکدے۔مخدوم جاوید ہاشمی دا کہنا سی کہ بھارت دی پاکستان نوں اکلا کرن دی کوشش ناکام ہو گئی۔ ورلڈ الیون دا ہونا پاکستان دی جِت اے۔ اوہناں دا کہنا سی کہ جنوبی پنجاب چھیتی صوبہ بنے گا جہدی راجدھانی ملتان ہوئے گی۔
مخدوم جاوید ہاشمی نے آکھیا کہ پچھلے چالیہ ورھیاں توں ملتان دی تعمیر تے ترقی لئی میں 350تعلیمی و صحت دے اداریاں سنے ملتان انٹرنیشنل ائر پورٹ‘ فلائی اوورز‘ روڈز تے سیوریج دے منصوبے مکمل کرائے جو کہ خطے دا کوئی سیاستدان نہیں کر سکیا۔ایس موقعے تے سینئر سیاستدان مخدوم جاوید ہاشمی نے این اے 120وچ بیگم کلثوم نواز دی بھرپور حمایت دا اعلان کردے ہوئے دعوا کیتا اے کہ ضمنی الیکشن وچ حلقے دی عوام دا فیصلا اک تے چار دے فرق نال ہوئے گا۔ اوہناں دا کہنا سی کہ کلثوم نواز نوں کوئی روک نہیں سکدا اوہ وڈی گنتی نال کامیاب ہون گیاں۔
