سابق کپتان شاہد آفریدی نے سخت ٹریننگ شروع کر دِتی

لاہور(پاکستان پوائنٹ نیوز23۔اگست 2016ء) پاکستان دے سابق کپتان شاہد خان آفریدی نے سخت ٹریننگ شروع کر دِتی۔ تفصیل دے مطابق ناقص پرفارمنس پاروں قومی ٹیم توں باہر ہون والے آل راؤنڈر شاہد آفریدی نے فارم بحال کرن لئی ٹریننگ شروع کر دِتی اے، 36 ورھیاں دے آل راؤنڈر اج کل نیشنل کرکٹ اکیڈمی وچ بیٹنگ تے باؤلنگ دے نال نال فٹنس بہتر بنان اُتے وی کم کر رہے نیں۔ میڈیا نال گل بات کردے ہوئے شاہد خان آفریدی دا کہنا سی کہ اوہ چیلنجاں نال مقابلے لئی سخت محنت کر رہے نیں تے جلدی ٹیم وچ واپس آن گے۔