حیران کن امریکی مطالبے: طالبان نوں افغان مفاہمتی عمل وچ رلت لئی راضی کیتا جائے

امریکا نے شکیل آفریدی دی حوالگی دا مطالبہ بار بار دہرایا اے جدکہ عبدالرحمان لکھوی‘ صلاح الدین‘ مسعود اظہر تے حافظ سعید خلاف کارروائی دا مطالبہ وی کیتا اے

حیران کن امریکی مطالبے: طالبان نوں افغان مفاہمتی عمل وچ رلت لئی راضی کیتا جائے
 امریکا نے شکیل آفریدی دی حوالگی دا مطالبہ بار بار دہرایا اے جدکہ عبدالرحمان لکھوی‘ صلاح الدین‘ مسعود اظہر تے حافظ سعید خلاف کارروائی دا مطالبہ وی کیتا اے

اسلام آباد(پاکستان پوائنٹ نیوز09۔ستمبر2017ء) امریکا نے اپنی نویں پاک افغان پالیسی وچ پاکستان توں حیران کن مطالبے کیتے نیں‘ امریکی مطالبیاں اُتے پاکستانی سفیراں نے نویں پاک امریکا پالیسی بارے سفارشاں پیش کر دتیاں نیں۔ میڈیا رپورٹس مطابق اسلام آباد وچ پاکستانی سفیراں دی تن دن جاری رہن والی کانفرنس وچ ایہ گل ساہمنے آئی اے کہ امریکا نے نویں پاک افغان پالیسی وچ پاکستان توں کُجھ مطالبے کیتے نیں۔

ایہناں مطالبیاں وچ امریکا نے شکیل آفریدی دی حوالگی دا مطالبہ بار بار دہرایا اے جدکہ عبدالرحمان لکھوی‘ صلاح الدین‘ مسعود اظہر تے حافظ سعید خلاف کارروائی دا مطالبہ وی کیتا اے۔ایسے طرحاں امریکا نے حقانی نیٹ ورک خلاف کارروائی اُتے وی زور دتا اے۔ امریکا نے پاکستان اُتے زور دتا اے کہ اوہ افغان مفاہمتی عمل وچ رلت لئی افغان طالبان نوں راضی کرے۔ دوجے پاسے امریکی نویں پالیسی اُتے پاکستانی سفراں نے وی حکومت نوں اپنیاں سفارشاں پیش کر دتیاں نیں۔