ساڈے سیاسی مخالف نواز شریف تے پارٹی نوں سیاست تے الیکشن وچ نہیں ہرا سکدے: مریم نواز شریف

اسلام آباد(پاکستان پوائنٹ نیوز09۔ستمبر2017ء) مسلم لیگ (ن) دی رہنما مریم نواز شریف نے آکھیا اے کہ ساڈے سیاسی مخالف نواز شریف تے پارٹی نوں سیاست تے الیکشن وچ نہیں ہر اسکدے تے نہ ای اوہناں دا مقابلا کر سکدے نیں جہدی وجہ توں اوہ مسلم لیگ(ن) تے اوہدی قیادت خلاف سازشاں کر رہے نیں۔ نجی ٹی وی نال نال گل بات کردے ہوئے اوہناں نے آکھیا کہ ساڈے مخالف الیکشن کمیشن تے عدالتاں پچھے لُک رہے نیں تے جو عناصر ساڈے خلاف سازشاں کر رہے نیں اسیں اوہناں تے اوہناں دی تنقید توں کدی نہیں ڈراں گے۔

مریم نواز شریف نے ہور آکھیا کہ سابق وزیر اعظم نواز شریف نوں اقامہ رکھن اُتے نااہل قرار دتا گیا پر اوہناں اُتے کرپشن داکوئی الزام نہیں ۔ ساڈے ہتھ صاف نیں تے اسیں تحفظات دے مگروں وی عدالتی فیصلا قبول کیتا اے۔اوہناں دا کہنا سی کہ حلقہ این اے 120توں تاریخی فتح حاصل کراں گے۔