اسلام آباد(پاکستان پوائنٹ نیوز08۔ستمبر2017ء) امیر جماعت اسلامی پاکستان سینیٹر سراج الحق نے برما وچ مسلماناں اُتے تشدد یاں کارروائیاں تے اوہناں دے قتلام خلاف اسلام آباد آبپارہ چوک توں برما دے سفارتخانے تیکر احتجاجی مارچ دی قیادت کیتی۔ مار چ وچ ہزاراں بندے رلتی ہوئے۔ ایس موقعے تے وکھالویاں نال خطاب کردے ہوئے سینیٹر سراج الحق نے آکھیا کہ دنیا بھر دے مسلمان اک جسے وانگ نیں تے مظلوم دا ساتھ دینا اللہ دا حکم اے۔
برما دے مسلماناں دا قتلام کیتا جا رہیا اے۔ زندہ انساناں نوں ساڑیا تے معصوم بالاں نوں ذبح کیتا جا رہیا اے۔ ایہناں حالات وچ اسیں چُپ نہیں رہ سکدے۔ اوہناں نے عالم اسلام دے حکمراناں توں مطالبہ کیتا کہ برما دے سفیراں نوں ناپسندیدہ شخصیت قرار دے کے چھیتی اپنے ملکوں کڈھیا جائے۔
