اسلام آباد(پاکستان پوائنٹ نیوز08۔ستمبر2017ء) وزیر اعظم شاہد خاقان عباسی تے آرمی چیف جنرل قمر جاوید باجوہ دی ون آن ون ملاقات ہوئی اے‘ ملاقات دوران ملک دی سکیورٹی صورتحال سنے فاٹا ریفامز بارے وچار وٹاندرا کیتا گیا۔ میڈیا رپورٹس مطابق وزیر اعظم شاہد خاقان عباسی نال آرمی چیف نے ملاقات کیتی۔ ایہ ملاقات وزیر اعظم شاہد خاقان عباسی دی صدارت ہیٹھ فاٹا ریفارمز عملدرآمد اجلاس دے موقعے تے ہوئی۔
ملاقات دوران ملک نوں پیش چیلنجاں سنے فاٹا ریفارمز دے حوالے نال گل بات کیتی گئی۔ یاد رہوے کہ اج وزیر اعظم شاہد خاقان عباسی دی صدارت ہیٹھ فاٹا ریفارمز اُتے عملدرآمد دی قومی کمیٹی دا اجلا س ہویا۔ اجلاس وچ آرمی چیف‘ گورنر خیبر پختونخوا‘ وزیر اعلا خیبر پختونخوا‘ وفاقی وزیر سیفران عبدالقادر بلوچ‘ وزیر قانون زاہد حامد‘ ڈپٹی چیئرمین پلاننگ کمیشن سرتاج عزیز تے عسکری و سول حکام نے رلت کیتی۔
