اسلام آباد(پاکستان پوائنٹ نیوز08۔ستمبر2017ء) چیف جسٹس آف سپریم کورٹ نے پاناما کیس فیصلے خلاف شریف فیملی دیاں نظرثانی اپیلاں دی سنوائی لئی تاریخ متھ دتی اے‘ جسٹس اعجاز افضل دی سربراہی وچ تن رکنی بنچ 12ستمبر نوں نظرثانی اپیلاں دی سنوائی کرے گا۔ میڈیا رپورٹس مطابق سپریم کورٹ آف پاکستان نے پاناما کیس فیصلے اُتے شریف فیملی دیاں نظرثانی لئی دائر اپیلاں دی سنوائی لئی تاریخ متھ دتی اے۔
12ستمبر نوں جسٹس اعجاز افضل دی سربراہی وچ تن رکنی بنچ اپیلاں دی سنوائی کرے گا۔ سپریم کورٹ دے تن رکنی بنچ وچ جسٹس شیخ عظمت سعید تے جسٹس اعجاز الاحسن وی شامل نیں۔ چیتے رہوے کہ پاناما کیس فیصلے خلاف سپریم کورٹ وچ نظرثانی اپیلاں سابق وزیر اعظم نواز شریف‘ پُتر حسن تے حسین نواز‘سمدھی اسحاق ڈار تے داماد کیپٹن (ر) صفدر نے دائر کتیاں نیں۔
