اسلام آباد(پاکستان پوائنٹ نیوز07۔ستمبر2017ء) تحریک انصاف دے چیئرمین عمران خان نے حکومت دے معاشی ترقی دے دعوے نوں بے نقاب کر دتا اے‘ نواز شریف دا حکومتی دور بدحال‘ مشرف تے زرداری دور وچ سرمایہ کاری بُہتی تے قرضے گھٹ لِتے گئے‘ اسحاق ڈار پاکستان دے ’اکنامک جٹ مین‘ نکلے نیں‘ نیب ریفرنسز مگروں وزیر خزانہ نوں استعفا دے دینا چاہیدا۔ اوہناں نے اج وفاقی حکومت دی معاشی ترقی دے حوالے نال پریس کانفرنس کردے ہوئے آکھیا کہ پاکستان دے معاشی فیصلے کرپٹ لوک کر رہے نیں۔
نیب ریفرنسز مگروں وزیر خزانہ نوں استعفا دے دینا چاہیدا۔ اسحاق ڈار پاکستان دے اکنامک جٹ مین نکلے نیں۔ اوہناں نے آکھیا کہ پاکستانی تاریخ وچ کدی اینا قرضہ نہیں لتا گیا۔ پاکستانی معیشت دا ایس ویلے برا حال اے۔ عمران خان نے آکھیاکہ بیرونی سرمایہ کار حکمراناں دی کرپشن دی وجہ توں پاکستان وچ نہیں آئے۔ آصف زرداری دے دور نوں لوک مندا آکھدے نیں پر موجود دور وچ اوس دور توں وی گھٹ انویسٹمنٹ ایتھے آئی اے۔ سی پیک مگروں ملک وچ سرمایہ کاری گھٹ ہوئی اے۔ اوہناں نے آکھیا کہ سرکلر ڈیٹ پیپلز پارٹی دے دور وچ 480ارب رُپئے سی پر ہن اوہدے توں وی بُہتا ہو گیا اے۔
