اسلام آباد(پاکستان پوائنٹ نیوز07۔ستمبر2017ء) وفاقی وزیر خارجہ خواجا آصف نے واضح کیتا اے کہ پاکستان توں وکھ کوئی وی ملک دہشت گردی خلاف جنگ نہیں جِت رہیا‘ پاکستانی قوم نوں قربانی دا بکرا نہیں بنن دیواں گے‘ امریکا پاکستان دی سالمیت تے آپ مختاری دا احترام‘ اج چین جا رہیاں واں دو دناں بعد ایران جاواں گا۔اوہناں نے تن دنا سفراء کانفرنس ختم ہون مگروں پریس کانفرنس کردے ہوئے آکھیا کہ اج چین جا رہیا واں جدکہ دو دناں پچھوں ایران جاواں گے۔
اوہناں نے آکھیا کہ کوئی وی ملک دہشت گردی خلاف جنگ نہیں جِت رہیا صرف پاکستان دہشت گردی خلاف جنگ جِت رہیا اے۔ دنیا بے شک نہ منے پر پاکستان وچ امن آیا اے۔ خواجا آصف نے آکھیا کہ ایران‘ بھارت تے چین دے سفیراں نوں اہم تجویزاں دتیاں۔خاہش اے کہ سعودی عرب تے ایران دے تعلقات وی بہتر ہون۔ اوہناں نے آکھیا کہ واشنگٹن وچ بیٹھے لوکاں نوں پاکستانی خطے دی حقیقی صورتحال دا پتہ نہیں اے۔ باہمی احترام نال قربانیاں دا احترام کرن والے ملکاں نال اگانہ ودھاں گے۔اوہناں دا کہنا سی کہ پاکستان دا مفاد سبھ توں پہلاں اے۔ پاکستانی قومی نوں قربانی دا بکرا نہیں بنن دیواں گے۔
