لاہور(پاکستان پوائنٹ نیوز05۔ستمبر2017ء) پاکستان عوامی مسلم لیگ دے چیئرمین شیخ رشید نے آکھیا اے کہ مریم نوازشریف سیاسی طور اُتے میچور نہیں نیں‘ نواز شریف نوں نااہل کروان وچ مریم نواز دا وی ہتھ اے‘ شریف فیملی چاہندی اے کہ حدیبیہ کیس نہ کُھلے‘ ایل این جی سکینڈل وچ اک مافیا ملوث اے۔ اوہناں نے نجی ٹی وی دے پروگرام وچ گل بات کردے ہوئے آکھیا کہ نواز شریف دی سیاست دا ویلا ختم ہو گیا اے قوم نوں پتا لگ گیا اے کہ شریف فیملی کیہ اے۔
شیخ رشید دا کہنا سی کہ جے پی ٹی آئی محنت کر ے تے اوہ حلقہ این اے 120دا الیکشن جِت سکدی اے۔ زرداری خلاف کیساں نوں بند کیتا جا رہیا اے۔ اک دن آئے گا جدوں زرداری دے کیس نواز شریف وانگ کُھلن گے۔ اوہناں دا کہنا سی کہ شاہد خاقان عباسی خلاف ریفرنس دائر کرن اُتے مینوں دھمکیاں مل رہیاں نیں۔ شاہد خاقان عباسی نے اپنے بزنس پارٹنر نوں اپنا مشیر لایا اے۔
