پاکستان بیورو برائے شماریات نے 10وڈے شہراں دے عبوری آنکڑے جاری کر دتے، کراچی پہلے، لاہور دوجے تے فیصل آباد تیجے نمبر اُتے

اسلام آباد(پاکستان پوائنٹ نیوز28۔اگست2017ء) پاکستان بیورو برائے شماریات نے 10وڈے شہراں دے عبوری آنکڑے جاری کردتے نیں۔ تفصیل مطابق پاکستان بیورو برائے شماریات ولوں جاری کیتے گئے آنکڑیاں مطابق کراچی شہر دی آبادی اک کروڑ 49لکھ 10ہزار توں ودھ گئی ۔لاہورشہر دی آبادی اک کروڑ 12لکھ 26ہزار 285تیکر پہنچ گئی۔ 6ویں آدم شماری دے مڈھلے نتیجیاں مطابق آبادی دے لحاظ نال کراچی پہلے، لاہور دوجے، فیصل آباد تیجے، راولپنڈی چوتھے، گوجرانوالا5ویں، پشاور 6ویں، ملتان 7ویں تے حیدر آباد 8ویں، اسلام آباد 9ویں تے کوئٹہ 10ویں نمبر اُتے اے۔ پاکستان بیورو برائے شماریات دی عبوری رپورٹ مطابق 1998وچ کراچی دی آ بادی 93لکھ 39ہزار 23سی جو 2017وچ اک کروڑ 49لکھ 10ہزار 352ہو گئی اے۔