نیب دا آصف زرداری دی بریت خلاف ہائی کورٹ جان دا فیصلا

اسلام آباد(پاکستان پوائنٹ نیوز28۔اگست2017ء) قومی احتساب بیورو (نیب) نے اثاثہ جات ریفرنس وچ سابق صدر آصف زرداری دی بریت خلاف ہائی کورٹ جان دا فیصلا کر لیا۔ راولپنڈی دی احتساب عدالت نے ہفتے دے دیہاڑے پیپلز پارٹی دے شریک چیئرمین و سابق صدر آصف علی زرداری نوں اثاثہ جات ریفرنس وچ بری کیتا سی۔ وسیلیاں مطابق نیب نے احتساب عدالت دے فیصلے خلاف ہائی کورٹ وچ اپیل کرن دا فیصلا کر لیا اے۔ وسیلیاں دا کہنا اے کہ احتساب عدالت دے فیصلے خلاف ہائی کورٹ وچ اپیل لئی نیب دی پراسیکیوشن برانچ نے درخاست دی تیاری اُتے کم شروع کر دتا جہدے مکمل ہون مگروں اپیل دائر کیتی جائے گی۔