جہلم: این اے 63 دا ضمنی الیکشن، (ق) لیگ دا (ن)لیگ دی حمایت دا اعلان

جہلم: این اے 63 دا ضمنی الیکشن، (ق) لیگ دا (ن)لیگ دی حمایت دا اعلان

جہلم(پاکستان پوائنٹ نیوز22۔اگست 2016ء) مسلم لیگ (ق) دے صوبائی رہنما سابق تحصیل ناظم چودھری عابد اشرف جوتانہ نے مسلم لیگ (ن) دے امیدوار حلقا این اے 63 دے ضمنی الیکشن وچ نوابزادہ راجا مطلوب مہدی دی حمایت دا اعلان اک پریس کانفرنس وچ کیتا اے ۔ ایس موقع اُتے پاکستان مسلم لیگ (ن) دے مرکزی رہنما زبیر گل، انجم عقیل ایم این اے، ذیشان رفیق، وزیر اعلا دے اُچیچے معاون، ارکان پنجاب اسمبلی مہر محمد فیاض، چودھری شہباز، مسلم لیگ (ق) دے رہنما محمد عارف چودھری دے علاوا لوکائی دی وڈی گنتی موجود سی۔

چودھری عابد دا ایس موقعے اُتے کہنا سی کہ ضمنی الیکشن وچ حلقا این اے 63 دے اپنے سارے ووٹراں نال مشاور ت دے بعد ایس حلقے توں پاکستان مسلم لیگ (ن) دے امیدوار دی حمایت دا فیصلا کیتا گیا اے۔ اوہناں دا ایس موقع اُتے ہور کہنا سی کہ ساڈی برادری تے ساڈے سارے ووٹر مسلم لیگ (ن) نوں سپورٹ کرن دے نال نال اوہناں دے امیدوار نوں ووٹ وی پان گے۔