اسلام آباد(پاکستان پوائنٹ نیوز26۔اگست2017ء) امیر جماعت اسلامی سینیٹر سراج الحق نے امریکی صدر ڈونلڈ ٹرمپ نوں دہشتگرد قرار دیندے ہوئے آکھیا اے کہ غاراں وچ پناہ لین والے دہشت گرد نیں تے ایواناں وچ وی دہشت گرد موجود نیں، عافیہ صدیقی، ایمل کانسی تے یوسف رمزی نوں ڈالراں لئی ویچیا گیا، پاکستان چند صوبیاں دے مجموعے دا ناں نہیں اک جہد مسلسل دا ناں اے، پاکستان قدرتی وسائل نال بھریا ہویا اے صرف اک قیادت تے امامت دی ضرورت اے۔
اسلام آباد وچ اک سیمینار نال خطاب کردے ہوئے اوہناں نے آکھیاکہ پاکستان وچ بنیادی کرپشن اخلاقی کرپشن اے، اوہنوں ختم کرن لئی ہر اک نوں اپنی اپنی تھاں کردار نبھانا پئے گا۔ اوہناں نے آکھیا کہ غاراں وچ پناہ لین والے دہشت گرد نیں تے ایواناں وچ وی دہشت گرد موجود نیں۔ عافیہ صدیقی، ایمل کانسی تے یوسف رمزی نوں ڈالراں لئی ویچیا گیا۔ اوہناں دا کہنا سی کہ جے ساڈی حکومت آئی تے تعلیم مفت تے لازمی کراں گے۔بالاں نوں سکول نہ گھلن والے ماں پیو جیل جان گے۔
