اسلام آباد(پاکستان پوائنٹ نیوز21۔اگست2017ء) جماعت اسلامی دے امیر سراج الحق نے آکھیا اے کہ احتساب لئی اک جامع نظام بنان دی ضرورت اے، قومی دولت لُٹن والیاں دے احتساب دا ویلا آ گیا اے، 12دسمبر نوں احتساب قافلا لاہورں اسلام آباد لئی ٹُرے گا۔ اوہناں نے میڈیا نال گل بات کردے ہوئے آکھیا کہ کرپشن دی وجہ توں سارے ادارے مفلوج ہو گئے نیں۔عالمی اداریاں نے پاکستان اندر ودھدی کرپشن اُتے تشویش دا وکھالا کیتا اے ۔
اوہناں دا کہنا سی کہ کرپشن دے خاتمے لئی سانوں آپس وچ گل بات ضرور کرنی چاہید تاں جے ملک نوں کرپشن توں پاک کیتا جا سکے۔اوہناں دا کہناسی کہ شریف خاندان توں وکھ جہدے ناں وی پاناما پیپرز وچ نیں اوہناں دا وی احتساب ہونا چاہیدا۔ کوئی وی احتساب توں اُچا نہیں اے۔ احتساب دے مطالبے نوں نتیجہ خیز بنان لئی عید مگروں اسلام آباد تیکر مارچ کراں گے۔
اوہناں دا کہنا سی کہ حقیقی جمہوریت لئی حقیقی احتساب ضروری اے۔ سراج الحق نے آکھیا کہ آرٹیکل 62تے 63صرف سیاستداناں اُتے نہیں ساریاں اُتے لاگو ہونا چاہیدا۔ہر کسے دا صادق و امین ہونا ضروری اے۔ میرا مقصد صرف نواز شریف نوں وزارت عظمی توں ہٹانا نہیں سی۔ اوہناں نے ماڈل ٹاؤن دُکھانت اُتے گل بات کردے ہوئے آکھیا کہ حکومت نے کمیشن بنایا سی تے ایس دُکھانت دی رپورٹ ساہمنے لیان دے نال نال ڈان لیکس دا معاملا وی لوکائی ساہمنے رکھیا جائے۔
