عدالت فوج نوں شریف خاندان دی گرفتاری دا حکم دے سکدی اے: اپوزیشن لیڈر خورشید شاہ

اسلام آباد(پاکستان پوائنٹ نیوز21۔اگست2017ء) نواز شریف خطرناک کھیڈ کھیڈ رہے نیں۔ آرٹیکل 190دا اطلاق ہویا تے بہت بُرا ہوئے گا۔ ایہناں خیالاں دا اظہار اپوزیشن لیڈر خورشید شاہ نے میڈیا نال گل بات کردے ہوئے کیتا۔ خورشید شاہ نے سابق وزیرا عظم نوں نیب ساہمنے پیش ہوندا مشورہ دتا اے۔ اوہناں دا کہنا سی کہ نواز شریف خطرناک کھیڈ کھیڈ رہے نیں۔ نیب دے طلب کیتے جان اُتے نہ جانا خطرناک ہو سکدا اے۔ بار بار حاضر نہ ہون اُتے نواز شریف دی گرفتاری ہو سکدی اے۔ اوہناں دا ہور کہنا سی کہ موجودہ صورتحال وچ عدالت آرٹیکل 190نوں ورتدے ہوئے فوج نوں شریف خاندان دی گرفتاری دا حکم جاری کر سکدی اے۔ اوہناں دا کہنا سی کہ جے آرٹیکل 190ورتیا گیا تے بہت بُرا ہوئے گا۔