خورشید شاہ دے ہیلی کاپٹر دی ہنگامی لینڈنگ

بالاکوٹ(پاکستان پوائنٹ نیوز19۔اگست2017ء) پاکستان پیپلز پارٹی دے سینئر رہنما و قائد حزب اختلاف خورشید شاہ دے ہیلی کاپٹر دی بالاکوٹ دے علاقے وچ ہنگامی لینڈنگ ہوئی اے۔ نجی ٹی وی چینل مطابق قائد حزب اختلاف دے ہیلی کاپٹر دی ہنگامی لینڈنگ خراب موسم کارن ہوئی اے۔ خورشید شاہ نال اوہناں دے ہیلی کاپٹر وچ پیپلز پارٹی دے سینئر رہنما فیصل کریم کنڈی، شیری رحمان تے نئیر بخاری وی سن پر ہیلی کاپٹر نوں حفاظت نال بالاکوٹ وچ لینڈ کرا لیا گیا۔ پی پی پی دے رہنما ہن گڈی وچ کاغان چلے گئے نیں۔ میڈیا رپورٹس مطابق پیپلزپارٹی دے رہنما کاغان جلسے وچ رلت لئی جا رہے سن۔