گجرات(پاکستان پوائنٹ نیوز18۔اگست2017ء) سابق وزیر اعظم نواز شریف دے کل لالہ موسی جان دا امکان اے، جتھے اوہ اسلام آباد توں لاہور جی ٹی روڈ ریلی دوران پچھلے جمعے پروٹوکول وچ شامل اک گڈی دی ٹکر نال ہلاک ہون والے بال حامد چغتائی دے گھر جان گے۔ وسیلیاں مطابق پنجاب دے وزیر اعلا شہباز شریف وی اوہناں نال ایس موقعے تے ہون گے۔ پر وسیلیاں دا کہنا اے کہ مقامی انتظامیہ تے پولیس نے نواز شریف نوں ایس دورے نوں اوس ویلے تیکر ملتوی کرن دا مشورا دتا اے جدوں تیکر مسلم لیگ (ن) دی قیادت نوں شرمندہ کرن والے ایس واقعے وچ ملوث ڈرائیور گرفتار نہ ہو جائے۔
وسیلیاں نے دسیا کہ مقامی انتظامیہ تے پولیس نے نواز شریف دے سٹاف توں کئی وار کیس دیاں تحقیقات لئی ڈرائیور تے گڈی (SS8750دی کسٹڈی دی درخاست کیتی اے۔ پر وسیلیاں دا کہنا اے کہ نواز شریف دا سٹاف، پولیس دے مقابلے اُتے پنجاب حکومت دی مداخلت مگروں، ذکر کیتے گئے ڈرائیور تے گڈی تیکر رسائی دین توں پرہیز کر رہیا اے۔ وسیلیاں مطابق وزیر اعلا پنجاب نے سا بق وزیر اعظم دے سٹاف نوں پیغام دتا سی کہ اوہ ڈرائیور تے گڈی نوں پولیس دے حوالے کر دین پر اجے تیکر انج نہیں ہو سکیا۔
