پیپلز پارٹی ہن (ن) لیگ دی مدد نہیں کرے گی: رحمان ملک

پیپلز پارٹی ہن (ن) لیگ دی مدد نہیں کرے گی: رحمان ملک

اسلام آباد(پاکستان پوائنٹ نیوز17۔اگست2017ء) سابق وزیر داخلا رحمان ملک نے آکھیا کہ پیپلز پارٹی ہن (ن) لیگ دی مدد نہیں کر یگی۔ پیپلز پارٹی آرٹیکل 62، 63وچ ترامیم دا آکھدی رہی پر نواز شریف اوس ویلے نہیں منے۔ میڈیا نال گل بات کردے ہوئے رحمان ملک دا کہنا سی کہ میاں نواز شریف دی پارلیمانی سیاست ختم ہو گئی اے ہن اوہ سٹریٹ پاور شو کرن وچ لگے نیں تے گلی محلیاں دی سیاست کرن گے۔

اوہناں نے آکھیا کہ پیپلز پارٹی آرٹیکل 62، 63وچ ترامیم دا آکھدی رہی پر نواز شریف اوس ویلے نہیں منے۔ ہن جدوں نواز شریف دے سِر پئی اے تے اوہ ترمیم کرنا چاہندے نیں پر پیپلز پارٹی ہن ایس معاملے تے اوہناں دی حمایت تے مدد نہیں کرے گی۔ اوہناں نے آکھیا کہ میاں صاحب نے ہمیشہ من مانی کیتی تے اپنی مرضی چلائی پر سیاست من مانی دا ناں نہیں بلکہ صبر دا ناں اے، جو (ن) لیگ نے وکھایا نہیں۔ایس لئی ہن پیپلز پارٹی نواز شریف دی کوئی وی مدد نہیں کر سکدی۔