لاہور(پاکستان پوائنٹ نیوز16۔اگست2017ء) الیکشن کمیشن نے شاہ محمود قریشی نوں این اے 120دے ضمنی الیکشن دی مہم وچ حصہ لین دی اجازت دین توں انکار کر دتا اے۔ تفصیل مطابق سابق وزیر اعظم نواز شریف دی نااہلی مگروں خالی ہون والی این اے 120دی سیٹ تے ضمنی الیکشن اگلے مہینے دی 17تاریخ نوں ہوئے گا۔ ایس سلسلے وچ تحریک انصاف و (ن) لیگ ولوں ناصرف اپنے امیدواراں دا اعلان کر دتا گیا اے بلکہ الیکشن مہم وی شروع ہو گئی اے۔
تحریک انصاف ولوں یاسمین راشد جدکہ (ن) لیگ ولوں نواز شریف دی بیوی کلثوم نواز امیدوارں نیں۔ ایس سلسلے وچ تحریک انصاف دے وائس چیئرمین و رکن قومی اسمبلی شاہد محمود قریشی نے الیکشن کمیشن نوں درخاست دتی سی۔ درخاست وچ شاہ محمود قریشی نے الیکشن مہم وچ حصہ لین دی اجازت منگی پر الیکشن کمیشن نے شاہ محمود قریشی نوں این اے 120دے ضمنی الیکشن دی مہم وچ حصہ لین دی اجازت دین توں انکار کر دتااے۔
